Psa 132 | LXX | STEP | ωδη τῶν ἀναβαθμῶν. Μνήσθητι, κύριε, τοῦ Δαυιδ καὶ πάσης τῆς πραύτητος αὐτοῦ,

Psalms 132

1 ^{▼▼LXX: Psa.131:1}ωδη τῶν ἀναβαθμῶν. Μνήσθητι, κύριε, τοῦ Δαυιδ καὶ πάσης τῆς πραύτητος αὐτοῦ, 2 ^{▼▼LXX: Psa.131:2}ὡς ὤμοσεν τῷ κυρίῳ, ηὔξατο τῷ θεῷ Ιακωβ 3 ^{▼▼LXX: Psa.131:3}εἰ εἰσελεύσομαι εἰς σκήνωμα οἴκου μου, Εἰ ἀναβήσομαι ἐπὶ κλίνης στρωμνῆς μου, 4 ^{▼▼LXX: Psa.131:4}εἰ δώσω ὕπνον τοῖς ὀφθαλμοῖς μου, καὶ τοῖς βλεφάροις μου νυσταγμὸν καὶ ἀνάπαυσιν τοῖς κροτάφοις μου 5 ^{▼▼LXX: Psa.131:5}ἕως οὗ εὕρω τόπον τῷ κυρίῳ, σκήνωμα τῷ θεῷ Ιακωβ. 6 ^{▼▼LXX: Psa.131:6}ἰδοὺ ἠκούσαμεν αὐτὴν ἐν Εφραθα, εὕρομεν αὐτὴν ἐν τοῖς πεδίοις τοῦ δρυμοῦ· 7 ^{▼▼LXX: Psa.131:7}εἰσελευσόμεθα εἰς τὰ σκηνώματα αὐτοῦ, προσκυνήσομεν εἰς τὸν τόπον, οὗ ἔστησαν οἱ πόδες αὐτοῦ. 8 ^{▼▼LXX: Psa.131:8}ἀνάστηθι, κύριε, εἰς τὴν ἀνάπαυσίν σου, σὺ καὶ ἡ κιβωτὸς τοῦ ἁγιάσματός σου· 9 ^{▼▼LXX: Psa.131:9}οἱ ἱερεῖς σου ἐνδύσονται δικαιοσύνην, καὶ οἱ ὅσιοί σου ἀγαλλιάσονται. 10 ^{▼▼LXX: Psa.131:10}ἕνεκεν Δαυιδ τοῦ δούλου σου. μὴ ἀποστρέψῃς τὸ πρόσωπον τοῦ χριστοῦ σου 11 ^{▼▼LXX: Psa.131:11}ὤμοσεν κύριος τῷ Δαυιδ ἀλήθειαν καὶ οὐ μὴ ἀθετήσει αὐτήν Ἐκ καρποῦ τῆς κοιλίας σου· θήσομαι ἐπὶ τὸν θρόνον σου 12 ^{▼▼LXX: Psa.131:12}ἐὰν φυλάξωνται οἱ υἱοί σου. τὴν διαθήκην μου καὶ τὰ μαρτύριά μου ταῦτα, ἃ διδάξω αὐτούς, καὶ οἱ υἱοὶ αὐτῶν ἕως τοῦ αἰῶνος καθιοῦνται ἐπὶ τοῦ θρονου σου 13 ^{▼▼LXX: Psa.131:13}ὅτι ἐξελέξατο κύριος τὴν Σιων, ᾑρετίσατο αὐτὴν εἰς κατοικίαν ἑαυτῷ 14 ^{▼▼LXX: Psa.131:14}Αὕτη ἡ κατάπαυσίς μου εἰς αἰῶνα αἰῶνος, ὧδε κατοικήσω, ὅτι ᾑρετισάμην αὐτήν· 15 ^{▼▼LXX: Psa.131:15}τὴν θήραν αὐτῆς εὐλογῶν εὐλογήσω, τοὺς πτωχοὺς αὐτῆς χορτάσω ἄρτων, 16 ^{▼▼LXX: Psa.131:16}τοὺς ἱερεῖς αὐτῆς ἐνδύσω σωτηρίαν, καὶ οἱ ὅσιοι αὐτῆς ἀγαλλιάσει ἀγαλλιάσονται· 17 ^{▼▼LXX: Psa.131:17}ἐκεῖ ἐξανατελῶ κέρας τῷ Δαυιδ, ἡτοίμασα λύχνον τῷ χριστῷ μου· 18 ^{▼▼LXX: Psa.131:18}τοὺς ἐχθροὺς αὐτοῦ ἐνδύσω αἰσχύνην, ἐπὶ δὲ αὐτὸν ἐξανθήσει τὸ ἁγίασμά μου.